2024-cü ildə Almaniyada təşkil olunacaq Avropa çempionatının (AÇ-2024) seçmə qrup mərhələsində 5-ci turun oyunları keçirilir.
Arena.az xəbər verir ki, ikinci oyun günündə üç qrup (A, D və J qrupları) üzrə 7 qarşılaşma baş tutub.
A qrupunda Gürcüstan yığması İspaniyanı, Kipr seçməsi isə Şotlandiyanı qəbul edib. Hər iki oyunda qonaqlar darmadağınla qalib gəliblər. Xüsusilə İspaniya yığmasının Tiflisdə 7 qola sevinməsini qeyd etməyə dəyər.
D qrupunda əsas diqqətlər Türkiyəyə yönəlmişdi. Burada Türkiyə millisi Ermənistan seçməsi ilə münasibətlərinə aydınlıq gətirib. “Ay-ulduzlular” bu matçdan xal itkisi ilə ayrılıblar. Qrupun digər matçında Xorvatiya və Latviya yığmaları üz-üzə gəliblər. Xorvatlar 5 cavabsız qolla qalib gələrək ikinci pilləyə yüksəliblər.
J qrupunda isə Bosniya və Herseqovina Lixtenşteyni, Lüksemburq İslandiyanı, Slovakiya da Portuqaliyanı qəbul edib. Bosniyalılarla lüksemburqlular evdə, portuqallar isə səfərdə qələbə qazanıblar.
AÇ-2024-ün seçmə mərhələsi
Qrup mərhələsi, 5-ci tur
8 sentyabr
A qrupu
Gürcüstan – İspaniya 1:7
Qollar: Çakvetadze, 49 – Morata, 22; 40; 65. Kvirkveliya, 27-öz qapısına. Olmo, 38. N.Uilyams, 68. Yamal, 74.
Kipr – Şotlandiya 0:3
Qollar: Maktominay, 6. Porteus, 16. Makqinn, 30.
Xal: Şotlandiya – 15. İspaniya – 6. Norveç – 4. Gürcüstan – 4. Kipr – 0.
D qrupu
Türkiyə – Ermənistan 1:1
Qollar: B.Yıldırım, 88 – Daşyan, 49.
Xorvatiya – Latviya 5:0
Qollar: Petkoviç, 3; 44. İvanuşeç, 13. Kramariç, 68. Paşaliç, 78.
Xal: Türkiyə – 10. Xorvatiya – 7. Ermənistan – 7. Uels – 4. Latviya – 0.
J qrupu
Bosniya və Herseqovina – Lixtenşteyn 2:1
Qollar: Dzeko, 3. Luxinger, 18-öz qapısına – Volfinger, 21.
Lüksemburq – İslandiya 3:1
Qollar: Şano, 9-pen. B.Sançes, 70. Sinani, 89 – Haraldsson, 88.
Slovakiya – Portuqaliya 0:1
Qol: B.Fernandes, 43.
Xal: Portuqaliya – 15. Slovakiya – 10. Lüksemburq – 10. Bosniya və Herseqovina – 6. İslandiya – 3. Lixtenşteyn – 0.
