“Real” İspaniyanın cənub-şərqindəki Valensiya əyalətində baş vermiş daşqınlardan zərər çəkənlərə 1 milyon avro məbləğində yardım edib.
Arena.az bu barədə Madrid klubunun rəsmi saytına istinadən məlumat verir:
“Real” ianə tədbiri çərçivəsində 1 milyon avro məbləğində ianə edəcək və bu, bizim dəstəyimizə ehtiyacı olan, fövqəladə vəziyyətlərdə olan çoxsaylı ailələrə yardıma yönələcək”, – “qaymaqlılar”ın mətbuat xidməti klubun rəsmi saytında dərc edib.
Xatırladaq ki, Valensiya əyalətini güclü qasırğa vurub. Zərərçəkmiş bölgələrdə yolları su basıb, evlərə və avtomobillərə ziyan dəyib. Bir neçə yüz insan yolların su basması səbəbindən qapalı adacıqlarda köməksiz qalıb. Valensiyada bir neçə min insan işıqsızdır. İqtisadiyyata zərər dəyib, həmçinin onlarla insan həyatını itirib.
