“Çelsi”nin baş məşqçisi Xabi Alonso Premyer Liqanın 10-cu turunda “Sanderlend”ə 0:1 hesabı ilə məğlub olduqları oyunu şərh edib.
Arena.az xəbər verir ki, ispan mütəxəssis qarşılaşmanın gərgin və mübarizəli keçdiyini bildirib.
Onun sözlərinə görə, matçda qol imkanlarının sayı az olub və oyunun taleyini penalti müəyyənləşdirib:
“Görüş gərgin və rəqabətli keçdi. Yaradılan imkanların sayı çox deyildi və nəticəni penalti müəyyənləşdirdi. Rəqib aşağı blokda müdafiə olunduğu üçün onun qapısı qarşısında kəskinliyimiz çatışmırdı. Nəzarəti əlimizdə saxlaya və hücumda təzyiqi davam etdirə bilmədik.
Bütün həftə rəqibin güclü tərəflərini neytrallaşdırmağa hazırlaşmışdıq. Lakin bəzi epizodlarda bunu yaxşı bacarmadıq. Çətin və mübarizəli oyun oldu. Rəqib topa çox sahib idi. Daha dəqiq və səbirli oynamalıyıq”, – deyə Xabi Alonso vurğulayıb.
Xatırladaq ki, “Çelsi” Premyer Liqanın geridə qalmış 10 turundan sonra 16 xalla 5-ci pillədə qərarlaşıb. “Zadəganlar” 10 oyunda 5 qələbə, 1 heç-heçə, 4 məğlubiyyət görüblər.
