Kamerunlu dayaq yarımmüdafiəçisi Aleksandr Sonq 36 yaşında peşəkar futbolçu karyerasında xitam verdiyini bəyan edib.
Arena.az məlumat verir ki, Sonq bu barədə özünün sosial şəbəkə hesabında yazıb.
Xatırladaq ki, Sonq son 3 ildə Cibutinin “Arta/Solar7” komandasında çıxış edib.
“Çarlton”, “Rubin” və “Vest Hem” həmişə mənim ürəyimdə xüsusi yer tutacaqlar. Bu yolda mənə çoxlu sayda insan kömək etdi. Dünyanın böyük klublarında – “Arsenal” və “Barselona”da oynamışam. Möhtəşəm xatirələr həmişə mənimlə olacaq”, – Sonq yazıb.
Sonq karyerası ərzində özünün də vurğuladığı kimi, bir çox klublarda çıxış edib. Kamerunlu futbolçunun “Bastiya”dan başlayan yolu “Arsenal”, “Çarlton”, “Barselona”, “Vest-Hem”, “Rubin” (Kazan), “Syon”dan keçərək, “Arta/Solar7”-də başa çatıb.
Amma belə zəngin futbolçu katyerasına rəğmən, Sonq cəmi ikicə qənimət qazana bilib – “Barselona” ilə İspaniya çempionluğu (2012/2013) və İspaniya Super Kuboku (2013/2014).
Aleksandr Sonq 2008-ci ilin yanvarında debüt etdiyi Kamerun yığmasının heyətində 49 oyuna çıxıb, 4 məhsuldar ötürmə ilə fərqlənib.
