38 yaşlı ispan qapıçı Antonio Adan azad agent qismində İran İslam Respublikasının “İstiqlal” klubuna qoşulub.
Arena.az bu barədə “İstiqlal”ın mətbuat xidmətinə istinadən məlumat verir.
Tərəflər 2026-cı ilin iyun ayının sonuna qədər qüvvədə olacaq müqavilə imzalayıblar.
Xatırladaq ki, Adan 2024-cü ilin iyul ayında Lissabon “Sportinq”indən ayrıldıqdan sonra, klubsuz qalmışdı.
Antonio Adan “Real”ın məzunudur. Qapıçı, karyerası ərzində həmçinin “Kalyari”, “Betis”, Madrid “Atletiko”su və Lissabon “Sportinq”i üçün çıxış edib.
Adan İspaniyanın U-16, U-17, U-19, U-20 və U-21 komandalarına cəlb edilib, əsas yığmaya isə çağırış almayıb.
“Transfermarkt” internet-portalı 38 yaşlı ispan qapıçının transfer dəyərini 200 min avro məbləğində qiymətləndirir.
