Azərbaycanlı hücumçu Renat Dadaşov Portuqaliyanın “Tondela” komandasında növbəti matçına çıxıb. Arena.az xəbər verir ki, o, Portuqaliya çempionatının 13-cü turundan təxirə salınmış “Moreyrense” ilə görüşün iştirakçısı olub.
Futbolçumuzun komandası bu rəqiblə doğma meydanda qarşılaşıb və qələbə qazanıb – 2:1. Renat bu matçın 84-cü dəqiqəsində meydana buraxılıb.
“Tondela” 16 turdan sonra 15 xalla 18 kollektiv arasında 13-cü pillədə qərarlaşıb.
Qeyd edək ki, müqavilə ilə İngiltərənin “Vulverhempton” klubuna məxsus olan Renat Dadaşov, “Tondela”da icarə əsasında forma geyinir.
