“Sabah” heyətinə daha bir legioner futbolçu cəlb edib. Arena.az xəbər verir ki, paytaxt klubu braziliyalı müdafiəçi Hiqor Qabrieli transfer edib.
Bu barədə klubun rəsmi saytı məlumat yayıb. 22 yaşlı futbolçu ilə 3 illik müqavilə imzalanıb.
Braziliyanın “Fluminense” klubunun yetirməsi olan Hiqor Qabriel karyerası ərzində bu komanda ilə yanaşı, “Rio Branko” (Braziliya) klubunda da çıxış edib.
“Sabah” ötən gün daha bir braziliyalı futbolçu – Kristian da Silva Fil ilə də müqavilə bağlamışdı. Klub bu qış fasiləsi dönəmində qapıçı Alekandr Neçayevi də heyətinə qatıb.
