“Əl-Nəsr”in portuqal hücumçusu Kristiano Ronaldo klubun Yaponiya turnesi öncəsi qarşıdakı mövsümlə bağlı gözləntilərini bölüşüb.
Arena.az bu barədə “Goal” portalına istinadən məlumat verir:
“Biz burada, Yaponiyada olmaqdan elə xoşbəxtik ki. “Əl-Nəsr” üçün bu, ilk müvafiq səfərdir. Qarşıda bizi iki yaxşı oyun gözləyir və biz həyəcanlıyıq. Yaponiyada hamı futbola çox həvəslidir. Biz şou göstərmək üçün buradayıq.
Qarşıdakı mövsümdə biz bütün qənimətləri qazanacağımıza ümidliyik. Bəli, çətin olacaq, amma düşünürəm ki, bizim yaxşı komandamız, yeni məşqçimiz, yeni oyunçularımız var və biz möhtəşəm mövsümü səbirsizliklə gözləyirik”, deyə Kristiano Ronaldo bildirib.
“Əl-Nəsr” Yaponiya turu çərçivəsində PSJ və “İnter”lə qarşılaşacaq. Buna qədər Səudiyyə Ərəbistanı klubu yoldaşlıq oyununda “Selta” və “Benfika” ilə qarşılaşıb. Ərəblər ispanlara 0:5, portuqallara 1:4 hesabı ilə məğlub olublar.
