Azərbaycanlı yarımmüdafiəçi, 31 yaşlı futbolçu Araz Abdullayev Kosovonun “Lapi” komandasında növbəti matçına çıxıb.
Arena.az xəbər verir ki, o, Kosovo Super Liqasının 5-ci turu çərçivəsində baş tutan “Feronikeli” ilə matçın iştirakçısı olub.
Futbolçumuzun komandası səfərdə baş tutan bu oyundan qələbə ilə ayrılıb – 3:0. Araz görüşün 73-cü dəqiqəsində meydana buraxılıb.
Bu qələbədən sonra “Lapi” 10 xalla 10 iştirakçı arasında zirvədə qərarlaşıb.
Xatırladaq ki, Araz Abdullayev “Lapi” ilə bu yay öncə 1 illik müqavilə imzalayıb. O, bu komandada artıq 3 oyun keçirsə də, fərqlənə bilməyib.
Ötən mövsümü “Sumqayıt”da keçirmiş Araz Azərbaycan millisində 44 oyuna çıxıb və 3 qolla yadda qalıb.
