“Vulverhempton”un baş məşqçisi Qari O’Nil Premyer Liqanın 18-ci turunda “canavarlar”ın “Çelsi” üzərində qələbəsini (2:1) şərh edib.
Arena.az “Vulverhempton”un rəsmi saytına istinadən məlumat verir ki, ingilis mütəxəssis nəticəyə yekun vurub, həmçinin oyun öncəsi heyətlə bağlı çətinliklərindən danışıb:
“Tabeliyimdə olan hər kəsdən son damlasına qədər hər şeyi sıxıb çıxarmaq və onları bir araya gətirmək və qələbəni qoparmaq deyil, oyunun böyük hissəsində özünü rahat hiss etmək – komandanın böyük zəhməti idi.
Səhər tezdən həkim mənə zəng etdi. Jan-Rikner Belleqard özünü yaxşı hiss etmir, Kreyq Douson virusdan yüz faiz sağalmayıb. Bu səhər asudə olduqlarına əmin olmaq üçün gənclərə zəng etməli olduq.
Kiçik bir komanda üçün çətin gün idi, amma əlimizdə olanlarla bilirdim ki, mütləq səviyyədə çıxış etsək, xüsusən də burada arxamızda olan azarkeşlərlə, “Çelsi”yə bəzi fəsadlar yarada bilərik. Birinci hissədə biz topu çox tez-tez ələ keçirdik, amma qalan hallarda düşünürəm ki, biz çox yaxşı idik”, deyə Qari O’Nil açıqlayıb.
Qələbə sayəsəində “Vulverhempton” 22 xalla turnir cədvəlinin 11-ci pilləsinə yüksəlib. Eyni miqdarda xal toplamış “zadəganlar” isə 10-cu pillədədirlər. Premyer Liqaya 40 xalla “Arsenal” başçılıq edir.
