“Liverpul”un baş məşqçisi Arne Slot Çempionlar Liqasının Liqa mərhələsində “Bayer” üzərində qələbəni şərh edib.
Arena.az xatırladır ki, “qırmızılar” 4-cü tur çərçivəsində qəbul etdikləri “əczaçılar” üzərində 4:0 hesablı qələbə qazanıblar.
“Mən bilmirəm ki, bu, oyunun nəbzi ilə bağlı idimi, amma biz daha böyük riskə getdik. “Bayer” meydanın mərkəzini həddən artıq yükləyirdi, biz isə daha riskli taktiki yanaşma tətbiqi ilə və bütün meydanda təkbətək oynayaraq, yarımmüdafiə xəttimizi tənzimləyirdik.
Birinci hissədə daha çox fürsətimiz oldu, rəqiblər isə qapımıza təhlükə yaratmadılar. Onlar Avropada nə qədər yaxşı olsalar da, bəzən güclü hücumçu sürətli hücumçudan daha vacibdir. Körtis Cons inanılmaz ötürmə etdi, sonra isə Luis Diasın sürətinə sahib biri onu tamamlaya bildi. Fikrimcə, ötürmə də, qol qədər əlamətdar idi”, – Arne Slot matçdan sonrakı mətbuat konfransında bildirib.
Slot “Bayer”in ispan çalışdırıcısı Xabi Alonsonun “Enfild” stadionunda qəbulu haqda da danışıb.
Xatırladaq ki, Xabi Alonso futbolçu ikən, 2004-2009-cu illərdə “qırmızılar”ın heyətində çıxış edib.
“Xabi bu klub üçün xüsusi insandır. O, azarkeşlərimiz tərəfindən isti qarşılanmağa layiq idi”, deyə niderlandlı mütəxəssis bildirib.
4 turdan sonra “Liverpul” 12 xalla UEFA Çempionlar Liqasının Liqa mərhələsinin yarış cədvəlinə başçılıq edir. “Bayer” isə 7 xalla 11-ci sıradadır.
