Azərbaycan millisinin dünya çempionatının seçmə mərhələsində Ukrayna ilə keçirəcəyi ev oyununun yeri və başlama vaxtı bəlli olub.
Arena.az xəbər verir ki, bu barədə AFFA-nın rəsmi saytı məlumat yayıb.
Belə ki, yığmamızı DÇ-2026-nın seçmə mərhələsi çərçivəsində sentyabrın 9-da doğma meydanda Ukrayna seçməsi ilə oyun gözləyir. D qrupunun 2-ci turu çərçivəsində Bakıda təşkil olunacaq görüş Tofiq Bəhramov adına Respublika stadionunda oynanılacaq. Qarşılaşmaya saat 20:00-da start veriləcək.
Qeyd edək ki, Azərbaycan millisinin yer aldığı D qrupunda Fransa və İslandiya yığmaları da var. Komandamız seçmə mərhələdəki ilk matçını sentyabrın 5-də səfərdə məhz İslandiya millisinə qarşı keçirəcək.
Yeri gəlmişkən, İslandiya – Azərbaycan matçının keçirilmə yeri və vaxtı da dəqiqləşib. D qrupunun ilk turu çərçivəsində baş tutacaq görüş Reykyavikdə keçiriləcək. Oyun sentyabrın 5-də “Lauqardalsvollur” stadionunda Bakı vaxtı ilə saat 22:45-də start götürəcək.
