“Mançester Yunayted”in baş məşqçisi Maykl Karrik İngiltərə Premyer Liqasının 10-cu turunda “Aston Villa” ilə heç-heçə etdikləri oyunu şərh edib.
Arena.az xəbər verir ki, “Old Trafford”da keçirilən qarşılaşma 4:4 hesabı ilə başa çatıb.
“Mançester Yunayted” matç ərzində iki dəfə iki top fərqi ilə geridə olsa da, fasilədən sonra hesabı bərabərləşdirə bilib. Əlavə vaxtda Coşuz Zirkze və Patrik Dorqunun vurduğu qollar bu komandaya bir xal qazandırıb:
“Qələbə qazana bilməməyimiz məyusedicidir. Oyunun böyük hissələrində rəqibdən üstün təsir bağışladıq. Lakin qolları çox asanlıqla buraxaraq özümüz öz həyatımızı çətinləşdiririk. Bu, bir dəfə deyil, ardıcıl iki dəfə baş verdi və bizi çox çətin vəziyyətə saldı.
Əvvəlki oyunda da oxşar vəziyyətlə üzləşmişdik. Bu gün də geridönüş etdik, demək olar ki, bütün matç boyunca mübarizə apardıq və son dəqiqələrdə qələbə qazanmaq imkanımız oldu. Təəssüf ki, bunu reallaşdıra bilmədik”, – Karrik deyib.
