Nüfuzlu “Transfermarkt” internet-portalı futbolçu karyerası ərzində transferlərinə ən çox xərc çəkilmiş futbolçuların siyahısını dərc edib.
Arena.az məlumat verir ki, müvafiq siyahıda 1-ci yeri 3 transferinə təxminən 400 milyon avro xərclənmiş “Əl-Hilal”ın braziliyalı ulduzu, hücumçu Neymar tutur.
2-ci pillədə “Roma”nın belçikalı mərkəz hücumçusu Romelu Lukaku qərarlaşıb. 8 transferi müqabilində Lukakuya ümumilikdə 339 milyon avro xərclənib.
3-cü pillədə “Əl-Nəsr”in portuqal ulduzu, hücumçu Kristiano Ronaldo yer alıb. Ronaldonun 4 transferi üçün klublar 247 milyon avro xərcə düşüblər.
Karyerası ərzində ən çox transfer xərclərinə malik futbolçuların onluğunu diqqətinizə çatdırırıq:
- Neymar (“Əl-Hilal”, 3 transferinə 400 milyon avro);
- Romelu Lukaku (“Roma”, 8 transferinə 339 milyon avro);
- Kristiano Ronaldo (“Əl-Nəsr”, 4 transferinə 247 milyon avro);
- Usman Dembele (PSJ, 3 transferinə 220 milyon avro);
- Alvaro Morata (“Atletiko” Madrid, 6 transferinə 189 milyon avro);
- Filippe Koutinyo (“Əl-Duhail”, 5 transferinə 180 milyon avro);
- Antuan Qrizmann (“Atletiko” Madrid, 4 transferinə 180 milyon avro);
- Kilian Mbappe (PSJ, 1 transferinə 180 milyon avro);
- Anxel Di Mariya (“Benfika”, 4 transferinə 179 milyon avro);
- Zlatan İbrahimoviç (təqaüdçü, 7 transferinə 169 milyon avro).
