Futbol üzrə Azərbaycan yığmasının hücumçusu Rüfət Dadaşov Almaniyanın “Şalke” klubunun ikinci komandasında növbəti matçına çıxıb. Arena.az xəbər verir ki, o, Almaniyanın Qərb Regional Liqasının 27-ci turu çərçivəsində baş tutan “Proyssen Münster”lə matçın iştirakçısı olub.
“Şalke” bu rəqiblə səfərdə qarşılaşıb. Futbolçumuzun komandası bu oyundan ağır məğlubiyyətlə ayrılıb – 0:3.
Rüfət Dadaşov bu görüşə start heyətdə başlayıb və 82-ci dəqiqədə əvəzlənib. Cari mövsümdə 9 qol vurmuş 31 yaşlı forvard bu dəfə fərqlənə bilməyib.
“Şalke”nin ikinci komandası bu nəticədən sonra 36 xalla 18 kollektiv arasında 9-cu pillədə qərarlaşıb.
