Futbol üzrə UEFA Çempionlar Liqasında 1-ci təsnifat mərhələsinin ilk oyunlarına yekun vurulub. Arena.az xəbər verir ki, ikinci oyun günündə daha 7 qarşılaşma baş tutub.
Matçlardan dördündə qapılara ümumiyyətlə qol vurulmayıb. Əvəzində Norveç çempionu “Bodo Qlimt” doğma meydanda “Klaksvik”ə 3 cavabsız qolla qalib gəlib. HJK və “Düdelanj” isə müvafiq olaraq RFS və “Tirana” ilə ev oyunlarında qələbəni tək qolla təmin ediblər.
Xatırladaq ki, ilk oyun günündə 8 qarşılaşma keçirilmişdi. Azərbaycan çempionu “Qarabağ” səfərdə Polşanın “Lex” komandası ilə oyundan qolsuz heç-heçə ilə ayrılmışdı.
UEFA Çempionlar Liqasında 1-ci təsnifat mərhələsinin cavab görüşləri iyulun 12 və 13-də keçiriləcək.
UEFA Çempionlar Liqası
1-ci təsnifat mərhələsinin ilk oyunları
6 iyul
Tobol (Qazaxıstan) – Ferentsvaroş (Macarıstan) 0:0
Bodo Qlimt (Norveç) – Klaksvik (Farer adaları) 3:0
HJK (Finlandiya) – RFS (Latviya) 1:0
Düdelanj (Lüksemburq) – Tirana (Albaniya) 1:0
Zrinski (Bosniya və Herseqovina) – Şerif (Moldova) 0:0
Maribor (Sloveniya) – Şaxtyor (Soliqorsk, Belarus) 0:0
Slovan (Bratislava, Slovakiya) – Dinamo (Batumi, Gürcüstan) 0:0
