Qadın voleybolçular arasında Azərbaycan çempionatında (Yüksək Liqa) 2023/2024 mövsümünün növbəti oyunları baş tutub.
Arena.az xəbər verir ki, bu gün 12-ci tur çərçivəsində üç matç keçirilib.
Gəncədə “Azərreyl”i qəbul edən “Gəncə” çempionatın liderini ilk setdə məğlub etsə də, sonda Bakı təmsilçisi qarşılaşmadan 3:1 hesablı qələbə ilə ayrılıb.
Günün digər görüşündə “Murov” və “Milli Aviasiya Akademiyası” komandaları üz-üzə gəliblər. Gənclər və İdman Nazirliyinin Voleybol Mərkəzində təşkil olunan bu oyunda “Murov”ın 3:1 hesablı qələbəsi qeydə alınıb.
Turun sonuncu matçı “Abşeron” və UNEC klubları arasında olub. UNEC-in idman zalında baş tutan görüşdə “Abşeron” 3:0 hesabı ilə qalib gəlib.
Beləliklə, xallarının sayını 30-a çatdıran (10 qələbə) “Azərreyl” liderliyini qoruyub. “Murov” 29 xalla (10 qələbə) 2-ci, “Abşeron” 24 xalla (8 qələbə) 3-cü, “Gəncə” 15 xalla (5 qələbə) 4-cü, “Milli Aviasiya Akademiyası” 10 xalla (3 qələbə) 5-ci, qələbəsi və xalı olmayan UNEC isə sonuncu pillədədir.
Yüksək Liqa
12-ci tur
6 fevral
“Gəncə” – “Azərreyl” 1:3 (25:12, 22:25, 13:25, 17:25)
“Murov” – “Milli Aviasiya Akademiyası” 3:1 (25:16, 26:28, 25:20, 25:15)
“Abşeron” – UNEC 3:0 (25:6, 25:12, 25:13)
