Fransalı hücumçu Kilian Mbappe həmvətəni, sağ vinger Usman Dembelenin son vaxtlar nail olduğu tərəqqi haqda fikrini bildirib.
Arena.az xəbər verir ki, “Real”ın futbolçusu PSJ-də çıxış edən həmkarı barədə bunları söyləyib:
“Mən onun tərəqqisinə şadam. Ümidvaram ki, o, eyni ruhda da davam edəcək”, deyə Mbappe vurğulayıb.
Usman Dembele PSJ-yə 2023-cü ilin yay transfer pəncərəsində 50,4 milyon avro məbləğ müqabilində “Barselona”dan keçib. Fransalı cinah hücumçusunun Paris klubu ilə müqaviləsinin müddəti 2028-ci ilin iyun ayının sonuna qədər qüvvədədir.
Cari mövsümdə Dembele PSJ-nin heyətində bütün yarışlarda 37 oyuna çıxıb, 30 qol vurub, 6 məhsuldar ötürmə verib.
Dembelenin Fransa nəhəngi üçün xidməti ümumilikdə 79 oyun, 36 qol və 18 məhsuldar ötürmədən ibarətdir.
Əlavə edək ki, Dembele Fransa Liqa 1-in cari mövsümün 21 qolla ən sərrast qolçusudur. Fransalı hücumçunun hesabında həmçinin 5 məhsuldar ötürmə var.
Dembele PSJ-dən öncə “Barselona”, “Borussiya” (Dortmund) və “Renn”in uğurları üçün çalışıb.
Usman Dembele 2016-cı ilin sentyabr ayında debüt etdiyi Fransa yığmasının heyətində 53 oyun keçirib, 6 qol vurub, 4 məhsuldar ötürmə verib. Usman “xoruzlar”la Rusiyada keçirilmiş DÇ-2018-in qalibi olub.
“Transfermarkt” internet-portalı 27 yaşlı fransalı sağ cinah hücumçusunun transfer dəyərini 55 milyon avro məbləğində qiymətləndirir.
