Futbol üzrə İspaniya çempionu “Barselona” öz akademiyasının yetirməsi olan müdafiəçi Xavi Espart ilə müqavilənin müddətini uzadıb.
Arena.az xəbər verir ki, bu barədə Kataloniya təmsilçisinin rəsmi saytı məlumat yayıb.
Yeni müqaviləyə əsasən, 18 yaşlı müdafiəçi 2030-cu il iyunun 30-dək “Barselona”da çıxış edəcək.
Xavi Espart 2015-ci ilin yayında “Barselona”nın “La Masia” akademiyasına qoşulub. O, əsas komandada debütünü 2026-cı ilin martında, Hansi Flikin rəhbərliyi altında UEFA Çempionlar Liqasının 1/8 final mərhələsinin “Nyukasl”la səfər oyununda edib.
İspaniyalı futbolçu 2025/2026-cı illər mövsümündə əsas komandanın heyətində ümumilikdə 6 oyun keçirib, 2026/2027-ci illər mövsümünün əvvəlində isə əsas komandanın hazırlıq prosesinə qoşulub. Avqustun 27-də onun əsas komandanın daimi üzvü olduğu rəsmən təsdiqlənib.
Espart cari mövsümdə indiyə qədər 5 oyunda meydana çıxıb. O, bu müddətdə “Barselona”nın heyətində ilk qolunu vurub və iki məhsuldar ötürmə ilə yadda qalıb.
Gənc müdafiəçinin indiyədək qazandığı əsas titul 2025/2026-cı illər mövsümündə İspaniya La Liqasının çempionluğudur.
