UEFA Çempionlar Liqasının Liqa mərhələsinin 2-ci turunda keçiriləcək “Sabah” – “Slaviya” (Praqa) qarşılaşmasının hakim təyinatları açıqlanıb.
Arena.az bu barədə UEFA-nın rəsmi saytına istinadən xəbər verir.
Oktyabrın 13-də Bakı Olimpiya Stadionunda baş tutacaq görüşü avstriyalı hakimlər briqadası idarə edəcək. Matçın baş hakimi Sebastian Gişamer olacaq. Ona həmyerliləri Roland Ridel və Santino Şrayner kömək edəcəklər. Dördüncü hakim funksiyasını Valter Altmann yerinə yetirəcək.
Video köməkçi hakim (VAR) Alan Kiyas, onun köməkçisi isə Yozef Şpurni olacaq.
Qeyd edək ki, Bakı Olimpiya Stadionunda təşkil ediləcək “Sabah” – “Slaviya” matçına saat 20:45-də start veriləcək.
“Sabah” liqa mərhələsinin ilk turunda səfərdə İngiltərənin “Mançester Yunayted” komandasına 0:4 hesabı ilə uduzub. Çexiya təmsilçisi “Slaviya” isə öz meydanında Fransanın “Lans” komandasına 2:3 hesabı ilə məğlub olub. Beləliklə, hər iki kollektiv ikinci turda ilk xallarını qazanmağa çalışacaqlar.
