Fransa yığmasının sabiq hücumçusu Kristof Düqarri PSJ-nin hücumçusu Kilian Mbappenin komandada mümkün kapitanlığı haqda danışıb.
Arena.az “RMC Sport”a istinadən məlumat verir ki, o, komanda səsverməsində dördüncü yeri tutmuş hücumçunun kapitanlığa iddiasına münasibət bildirib:
“Səsvermənin nəticələri aydındır – Mbappe rədd edildi. O, xüsusi biri deyil. Sən kapitanlığa namizədliyini irəli sürdün, amma səsvermədə yalnız dördüncü yeri tutdun. Sən komandada ancaq dostlarının olmadığını bilərək səsvermədə iştirak etdin. Sən açıq-aşkar imtina aldın”, deyə Düqarri bildirib.
24 yaşlı Mbappe cari mövsümdə PSJ-nin heyətində 1 oyun keçirib və 1 qol vurub. Parislilərin hazırkı kapitanı Braziliya millisinin mərkəz müdafiəçisi Markinyosdur.
