Bu gün futbol üzrə Türkiyə çempionatında (Super Liqa) 2023/2024 mövsümünün 17-ci turunun oyunlarına yekun vurulub.
Arena.az xəbər verir ki, sonuncu oyun günündə dörd qarşılaşma baş tutub.
Altı qolun vurulduğu “Rizəspor” – “Pendikspor” matçında ev sahibləri böyük hesablı qələbəyə seviniblər.
“Samsunspor” öz meydanında “Konyaspor”la heç-heçə edib. “Ankaragücü” – “Hatayspor” matçı isə qolsuz bərabərliklə başa çatıb.
Dörd qolun qeydə alındığı “Beşiktaş” – “Alanyaspor” matçında sevinən tərəf qonaq komanda olub.
Beləliklə, 17 turdan sonra 43 xala malik “Fənərbaxça” liderdir. Eyni xala malik “Qalatasaray” ikinci, 29 xalı olan “Kayserispor” üçüncüdür. “Trabzonspor”la “Beşiktaş”ın 26, “Rizəspor”un 25 xalı var. “Adana Dəmirspor” və “Antalyaspor” 24, “Kasımpaşa” 22, “Hatayspor” ilə “Ankaragücü” 19, “Başakşəhər” və “Sivasspor” 18, “Fatih Karagümrük”lə “Alanyaspor” 17, “Qaziantep” 16, “Konyaspor” və “Samsunspor” 15, “Pendikspor” 13, “İstanbulspor” 8 xal toplayıb.
Türkiyə, Super Liqa
17-ci tur
19 dekabr
Başakşəhər – Sivasspor 3:1
Qollar: Pyontek, 45; 51. Pelkas, 62 – Says, 26.
Qaziantep – Adana Dəmirspor 2:2
Qollar: A.Kızıldağ, 17. Markoviç, 54 – E.Akbaba, 71. Akintola, 73.
İstanbulspor – Trabzonspor 1:2 (matç yarıda qalıb)
Qollar: M.Sarıkaya, 39 – Trezeqe, 11. Onuaçu, 68.
20 dekabr
Kayserispor – Fənərbaxça 3:4
Qollar: O.Kemen, 45+4. Tiam, 56-pen. M.Kardozo, 73 – C.Ünder, 8. Batşuayi, 40; 50; 79-pen.
Antalyaspor – Kasımpaşa 0:0
Qalatasaray – Fatih Karagümrük 1:0
Qol: K.Aktürkoğlu, 40.
21 dekabr
Rizəspor – Pendikspor 5:1
Qollar: Qaiç, 16; 54. B.Keser, 41. Vareşanoviç, 45+1; 58. – H.Akbunar, 9.
Samsunspor – Konyaspor 1:1
Qollar: Ntçam, 68-pen – Çikalleşi, 29-pen.
Ankaragücü – Hatayspor 0:0
Beşiktaş – Alanyaspor 1:3
Qollar: O.Kolli, 9 – Y.Özdəmir, 38. Yanvier, 88. Eduardo, 90.
