Bu gün futbol üzrə Türkiyə çempionatında (Super Liqa) 2023/2024 mövsümünün 32-ci turunun növbəti oyunları keçirilib.
Arena.az xəbər verir ki, ikinci oyun günündə dörd qarşılaşma baş tutub.
“Adana Dəmirspor” – “Kayserispor” matçında qapılara qol vurulmayıb. Meydan sahiblərinin heyətində Azərbaycan milli komandasının qapıçısı Şahruddin Məhəmmədəliyev 90 dəqiqə mübarizə aparıb.
“Beşiktaş” – “Samsunspor” matçında da qalib müəyyənləşməyib. Tərəflər hərəyə 1 qolla 1 xal qazanıblar.
“Kasımpaşa” evdə “Konyaspor”a 2 cavabsız qolla məğlub olub. Dörd qolun qeydə alındığı “Ankaragücü” – “Qaziantep” matçında isə meydan sahibləri qələbə qazanıblar.
32-ci turun qalan görüşləri qarşıdakı günlərdə keçiriləcək.
Türkiyə, Super Liqa
32-ci tur
12 aprel
Trabzonspor – Sivasspor 0:1
Qol: Meniq, 52.
13 aprel
Kasımpaşa – Konyaspor 0:2
Qollar: Ndao, 21. Gilyerme, 90+8-pen.
Ankaragücü – Qaziantep 3:1
Qollar: E.Bekiroğlu, 31; 68. Sou, 65 – Yevtoviç, 7.
Adana Dəmirspor – Kayserispor 0:0
Beşiktaş – Samsunspor 1:1
Qollar: S.Kılıçsoy, 18 – E.Kılınc, 68.
14 aprel
14:30. Pendikspor – Başakşəhər
17:00. Hatayspor- İstanbulspor
17:00. Rizəspor – Antalyaspor
20:00. Fatih Karagümrük – Fənərbaxça
15 aprel
21:00. Alanyaspor – Qalatasaray
