Fransa yığmasının baş məşqçisi Didye Deşam “xoruzlar”ın sükanı arxasında gələcəyi ilə bağlı sualı cavablayıb.
Arena.az “Marca” nəşrinə istinadən, ispan mütəxəssisin bu barədə fikirlərini təqdim edir:
“Prezidentdən soruşun, mən indicə yarımfinalda məğlub olmuşam. Siz prezidentin nə düşündüyünü çox yaxşı bilirsiniz. Yarımfinala qədər gəldik. Hər kəs baş verənləri təhlil edəcək, amma açıq-aydın, biz öz imkanlarımızı yüz faiz gerçəkləşdirə bilməmişik”, deyə Deşam bildirib.
Xatırladaq ki, Fransa yığması AÇ-2024-ün yarımfinalında İspaniya yığmasına 1:2 hesabı ilə məğlub olaraq, yarışı tərk edib.
Didye Deşam “xoruzlar”ı 2012-ci ilin iyulundan çalışdırır. Fransız mütəxəssisin Fransa yığması ilə müqaviləsi 2026-cı ilin iyul ayının sonuna qədər qüvvədədir.
Deşamın rəhbərliyi altında “xoruzlar” 160 oyuna çıxıblar, 102 dəfə rəqiblərini “dimdikləyib” udublar, 30 oyundan bərabərliklə ayrılıblar, 28 oyunda isə “yolunublar”. Komandanın top fərqi 335:146 nisbətindədir.
Didye Deşam Fransa yığmasına 2018-ci ildə Rusiyada keçirilmiş FIFA Dünya Kubokunu və 2020/2021-ci ilər mövsümü UEFA Millətlər Liqasını qazandırıb.
