“İnter Mayami”nin Fort-Loderdeylin “Di-Er-Vi Pi-En-Ka Stedium”unda “Çikaqo Fayr”ı qəbul etdiyi MLS oyunu (2:1) başa çatıb.
Arena.az məlumat verir ki, oyundan əvvəl klub rəhbərliyi “vağlar”ın aparıcı oyunçusu və kapitanı, argentinalı ulduz hücumçu Lionel Messinin 45-ci futbol qənimətini qazanması şərəfinə rəngarəng şənlik keçirib.
“Leo” meydana çıxıb və parlaq surətdə qarşılanıb. Meydanın orta dairəsində 45 ədədini – argentinalı futbolçunun karyerası ərzində qazandığı qənimətlərin sayını əks etdirən lövhə qurulub. Lövhənin ətrafında qövs şəklində 45 uşaq dayanaraq, hər biri əlində Messinin qazandığı qənimətlərin adı olan kiçik lövhəciklər tutublar.
“İnter Mayami” rəhbərlərindən biri isə Messiyə rəmzi 45 rəqəminin əsli təsviri olan xatirə lövhəsini klub adından hədiyyə edib.
