Bu gün futbol üzrə Türkiyə çempionatında (Super Liqa) 2024/2025-ci illər mövsümünün 8-ci turuna yekun vurulub.
Arena.az xəbər verir ki, sonuncu oyun günündə dörd qarşılaşma baş tutub.
Dörd qolun qeydə alındığı “Adana Dəmirspor” – “Samsunspor” matçında qonaqlar qələbə qazanıblar. “Konyaspor” – “Eyüpspor” oyunu isə meydan sahiblərinin qələbəsiylə yekunlaşıb.
Son çempion “Qalatasaray” da evdə “Alanyaspor”u minimal hesabla məğlub edib.
“Qaziantep”in qonağı olan “Beşiktaş” isə qələbəni 90+5-ci dəqiqədə əldən verib.
Beləliklə, 8 turdan sonra 22 xal toplamış “Qalatasaray” vahid liderdir. “Samsunspor” 18 xalla 2-ci, “Beşiktaş” 17 xalla 3-cü pillədə qərarlaşıb. “Fənərbaxça” 16, “Başakşəhər” 14, “Göztəpə” və “Eyüpspor” 12, “Konyaspor” 11, “Bodrumspor” 10, “Trabzonspor” və “Alanyaspor” 9, “Kasımpaşa”, “Sivasspor” və “Antalyaspor” 8, “Rizəspor” isə 7 xal toplayıblar.
Türkiyə, Super Liqa
8-ci tur
4 oktyabr
Rizəspor – Antalyaspor 2:1
Qollar: Yureçka, 38. Alikulov, 44 – Qaiç, 87.
5 oktyabr
Kasımpaşa – Bodrumspor 0:0
Göztəpə – Sivasspor 3:2
Qollar: Romulo, 6. Sole, 10. Fofana, 90+4 – U.Çiftçi, 55. Meniq, 57.
Başakşəhər – Kayserispor 1:1
Qollar: Pyontek, 53 – Mane, 32.
Hatayspor – Trabzonspor 1:1
Qollar: G.Sağlam, 14 – Banza, 48.
6 oktyabr
Konyaspor – Eyüpspor 2:1
Qollar: Y.Erdoğan, 72. Aleksiç, 90+7 – A.Kutucu, 65.
Adana Dəmirspor – Samsunspor 1:3
Qollar: Y.Barasi, 7-pen – Muja, 58. Dimata, 90+3. S.Aydoğdu, 90+10.
Qalatasaray – Alanyaspor 1:0
Qol: Y.Akgün, 28.
Qaziantep – Beşiktaş 1:1
Qollar: Maksim, 90+5 – İmmobile, 31-pen.
