UEFA Millətlər Liqasının Azərbaycan – Slovakiya oyunundan öncə keçiriləcək açıq məşqlər və mətbuat konfranslarının vaxtı bəlli olub.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, oktyabrın 13-də ilk olaraq saat 16:15-də Azərbaycan millisinin baş məşqçisi Fernando Santos jurnalistlərin suallarını cavablandıracaq. Yığmamızın açıq məşqi saat 17:00-da start götürəcək.
Saat 18:45-də qonaq komandanın açıq məşqi, 19:30-da isə mətbuat konfransı gerçəkləşəcək.
Oktyabrın 14-də Tofiq Bəhramov adına Respublika stadionunda baş tutacaq Azərbaycan – Slovakiya matçına saat 20:00-da start veriləcək.
13 oktyabr
Azərbaycan milli komandası
16:15. Mətbuat konfransı
17:00. İlk 15 dəqiqəsi mətbuat üçün açıq məşq
Slovakiya milli komandası
18:45. İlk 15 dəqiqəsi mətbuat üçün açıq məşq
19:30. Mətbuat konfransı
