Bu gün futbol üzrə UEFA Çempionlar Liqasında 1/4 final mərhələsinə yekun vurulub.
Arena.az xəbər verir ki, sonuncu oyun günündə daha iki görüş baş tutub.
“Liverpul səfərdə 1:3 hesabıyla uduzduğu “Real”ı bu dəfə doğma meydanda qəbul edib. İngiltərə çempionu mərhələ adlamaq üçün rəqibi üzərində inamlı qələbə qazanmalı idi. Lakin cavab görüşündə qapılara qol vurulmayıb. Nəticədə “Real” növbəti mərhələyə yüksələn tərəf olub.
Dortmund “Borussiya”sı da Almaniyada “Mançester Siti” ilə üz-üzə gəlib. İngiltərə Premyer Liqasının liderinə bu görüşdə mərhələ adlamaq üçün heç-heçə də bəs edirdi. Qarşılaşmada hesabı meydan sahibləri açıblar. Amma matçın ikinci hissəsində iki qol vuran “şəhərlilər” əzmkar qələbə qazanıblar.
Xatırladaq ki, ilk oyun günündə PSJ (Fransa) və “Çelsi” (İngiltərə) də yarımfinala vəsiqəni təmin etmişdi. Beləliklə, ÇL-in yarımfinalında PSJ “Mançester Siti” ilə, “Real” isə “Çelsi” ilə üz-üzə gələcək. İlk oyunlar aprelin 27-də, cavab qarşılaşmaları mayın 4-də baş tutacaq.
UEFA Çempionlar Liqası
1/4 finalın cavab oyunları
14 aprel
“Liverpul” (İngiltərə) – “Real” (İspaniya) 0:0 (ilk oyun 1:3)
Liverpul: Alisson, Endryu Robetson, Ozan Kabak, Nataniel Fillips, Trent Aleksander-Arnold, Ceyms Milner, Fabinyo, Corcinyo Veynaldum, Sadio Mane, Roberto Firmino, Məhəmməd Salah.
Ehtiyat oyunçular: Adrian, Ris Uilyams, Ben Devis, Leyton Klarkson, Konstantinos Tsimikas, Tyaqo Alkantara, Aleks Oksleyd-Çemberlen, Nabi Keyta, Dioqo Jota, Cerdan Şakiri.
Real: Tibo Kurtua, Federiko Valverde, Eder Militan, Naço, Ferlan Mendi, Luka Modriç, Kazemiro, Toni Kroos, Marko Asensio, Kərim Benzema, Junior Vinisius.
Ehtiyat oyunçular: Dieqo Altube, Andrey Lunin, Serxio Arribas, Marvin, Marselo, Alvaro Odriosola, İsko, Çust, Rodriqo, Mariano Dias.
“Borussiya” (Dortmund, Almanya) – “Mançester Siti” (İngiltərə) 1:2 (ilk oyun 1:2)
Qol: Bellingem, 15 – Mahrez, 55. Foden, 75.
Borussiya: Marvin Hits, Mateu Morey, Manuel Akanji, Mats Hummels, Rafael Gerreyro, Cud Bellingem, Emre Can, Mahmud Dahud, Ansqar Knauff, Erlinq Haland, Marko Roys.
Ehtiyat oyunçular: Roman Bürki, Stefan Drlyaça, Lukaş Pişek, Tomas Menye, Niko Şults, Feliks Passlak, Tobias Raşl, Yulian Brandt, Reynir, Torqan Hazard, Covanni Reyna, Şteffen Tiqqes.
Mançester Siti: Ederson, Aleksandr Zinçenko, Ruben Dias, Con Stounz, Kayl Uolker, İlkay Gündoğan, Rodri, Kevin de Breyne, Fil Foden, Bernardo Silva, Riyad Mahrez.
Ehtiyat oyunçular: Zak Steffen, Ceyms Trafford, Natan Ake, Emerik Laport, Benjamen Mendi, Joao Kanselo, Erik Qarsiya, Fernandinyo, Ferran Torres, Rahim Sterlinq, Qabriel Jezus.
