İngiltərənin “Liverpul” klubunun sabiq müdafiəçisi Ceymi Karrager Madrid “Real”ının baş məşqçisi Karlo Ançelotti haqda danışıb.
Arena.az ingilis futbol adamının italyan mütəxəssis haqda fikirlərini təqdim edir:
“O, xüsusi bir insandır. Düşünürəm ki, o, məşqçi və futbolçu kimi Çempionlar Liqasını 7 dəfə qazanmış ilk şəxsdir. Bunu heç nə ilə ört-basdır etmək olmaz. O, sadəcə olaraq futbolun əfsanəvi şəxsiyyətidir”, deyə Ceymi Karrager bildirib.
Xatırladaq ki, Karlo Ançelotti 2021-ci ilin iyul ayından “Real”a rəhbərlik edir. 64 yaşlı italyan mütəxəssis 2013-2015-ci illərdə də Madrid təmsilçisini çalışdırıb. O, daha sonra 2021-ci ildə “kral klubu”na geri qayıdaraq, indiyədək “qaymaqlılar”a rəhbərlik edir. Karlo Ançelottinin İspaniya nəhəngi ilə müqaviləsi 2026-cı ilin iyun ayının sonuna qədər qüvvədədir.
Təcrübəli mütəxəssisin rəhbərliyi altında “Real”ın qazındığı qalibiyyətlərə İspaniya La Liqası (2021/2022, 2023/2024), İspaniya Kral Kuboku (2013/2014, 2022/2023), İspaniya Super Kuboku (2021/2022, 20223/2024), Çempionlar Liqası (2013/2014, 2021/2022, 2023/2024), UEFA Super Kuboku (2014, 2022) və FIFA Klub Dünya Kuboku (2014, 2022) daxildir.
Karlo Ançelottinin məşqçilik məktəbindən həmçinin “Everton”, “Napoli”, “Bayern”, PSJ, “Çelsi”, “Milan”, “Yuventus”, “Parma” keçiblər.
