Bu gün keçirilmiş oyunlarla futbol üzrə UEFA Çempionlar Liqasında (ÇL) 2026/2027-ci illər mövsümünə start verilib.
Arena.az xəbər verir ki, yeni mövsümün və 1-ci təsnifat mərhələsinin ilk oyun günündə 10 qarşılaşma baş tutub.
Azərbaycan çempionu “Sabah” da ilk oyun günündə meydana çıxıb. “Bayquşlar” doğma meydanda Uelsin TNS komandası ilə üz-üzə gəliblər və inamlı qələbəyə seviniblər.
“Sabah”ın potensial rəqibləri də bu gün meydana çıxıblar. Finlandiya təmsilçisi “KuPS” səfərdə Şimali Makedoniyanın “Vardar” kollektivi ilə qarşılaşıb. Finlandiya komandası 2:0 hesabı ilə qalib gəlib və evdəki cavab oyunu öncəsi üstünlük əldə edib. Bu komandalar arasındakı cavab matçı iyulun 14-də keçiriləcək.
Qeyd edək ki, ÇL-də 1-ci təsnifat mərhələsinin qalan oyunları iyulun 8-də keçiriləcək. Cavab görüşləri isə ayın 14-15-də baş tutacaq.
UEFA Çempionlar Liqası
1-ci təsnifat mərhələsi
7 iyul
Sabah (Azərbaycan) – TNS (Uels) 2:0
Kauno Jalgiris (Litva) – Drita (Kosovo) 1:1
Ararat (Ermənistan) – Riqa (Latviya) 2:0
Linkoln (Cəbəllüttariq) – İnter Eskaldes (Andorra) 3:1
Vardar (Şimali Makedoniya) – KuPS (Finlandiya) 0:2
Floriana (Malta) – Şemrok Rovers (İrlandiya) 2:0
Borats (Bosniya və Herseqovina) – Levski (Bolqarıstan) 1:1
Tre Fiori (San Marino) – Larne (Şimali İrlandiya) 0:1
Klaksvik (Farer adaları) – Atert Bissen (Lüksemburq) 2:1
Vikinqur (İslandiya) – Dyor ETO (Macarıstan) 1:0
8 iyul
19:00. Kayrat (Qazaxıstan) – Sutyeska (Monteneqro)
20:00. Flora (Estoniya) – İberiya (Gürcüstan)
21:00. Vitebsk (Belarus) – Universitatya (Krayova, Rumıniya)
21:00. Petrokub (Moldova) – Eqnatiya (Albaniya)
