Norveç millisinin və “Mançester Siti”nin hücumçusu Erlinq Haland 2022/2023 mövsümü üzrə “Qızıl buts”un sahibi olub.
Arena.az xəbər verir ki, İngiltərə Premyer Liqasında, İspaniya La Liqasında, İtaliya A Seriyasında, Almaniya Bundesliqasında və Fransa Liqa 1-də mövsümün başa çatması, bu turnirlərdə bombardirlik yarışının son turlardan çox əvvəl məlum olan nəticəsini rəsmiləşdirib.
22 yaşlı norveçli hücumçunun cari mövsümdə ciddi rəqibi yoxdur. Belə ki, Haland İngiltərə Premyer Liqasında 36 qol vuraraq yekun sıralamada 72 xal toplayıb və mövsümü şəksiz lider kimi başa vurub. O, Alan Şirerin və Endi Koulun (hər biri 34 qol) mövsüm ərzində göstərdiyi nəticələri üstələyərək, Premyer Liqanın tarixi rekordunu qırıb.
“Gümüş buts”u “Tottenhem”dən Harri Keyn (30 qol), “Bürünc buts”u isə Liqa 1-in bombardiri PSJ-li Kilian Mbappe (29 qol) qazanıb.
2022/2023 mövsümü üzrə “Qızıl buts” “yarışması”nın yekunu:
1. Erlinq Haland (“Mançester Siti”, İngiltərə) – 36 qol (72 xal)
2. Harri Keyn (“Tottenhem”, İngiltərə) – 30 qol (60 xal)
3. Kilian Mbappe (PSJ, Fransa) – 29 qol (58 xal)
4. Aleksandr Lakazett (“Olimpik”, Lion, Fransa) – 27 qol (54 xal)
5. Viktor Osimhen (“Napoli”, İtaliya) – 26 qol (52 xal)
6. Conatan David (“Lill”, Fransa) – 24 qol (48 xal)
7. Robert Levandovski (“Barselona”, İspaniya) – 23 qol (46 xal)
8. Enner Valensiya (“Fənərbaxça”, Türkiyə) – 29 qol (43.5 xal)
9. Lautaro Martines (“İnter”, İtaliya) – 21 qol (42 xal)
10. Lua Openda (“Lans”, Fransa) – 21 qol (42 xal)
11. Folarin Baloqun (“Reyms”, Fransa) – 21 qol (42 xal)
12. Ayvan Touni (“Brentford”, İngiltərə) – 20 qol (40 xal)
13. Həbib Diallo (“Strasburq, Fransa) – 20 qol (40 xal)
14. Kərim Benzema (“Real”, İspaniya) – 19 qol (38 xal)
15. Vissam Ben Yedder (“Monako” , Fransa) – 19 qol (38 xal)
16. Elye Vahi (“Monpelye”, Fransa) – 19 qol (38 xal)
17. Məhəmməd Salah (“Liverpul”, İngiltərə) – 19 qol (38 xal)
18. Amal Pelleqrino (“Bodo Qlimt”, Norveç) – 25 qol (37.5 xal)
19. Artyom Dovbik (“Dnepr-1”, Ukrayna) – 24 qol (36 xal)
20. Kallum Uilson (“Nyukasl”, İngiltərə) – 18 qol (36 xal)
21. Terem Moffi (“Loryan”, Fransa) – 18 qol (36 xal)
