“Barselona”nın baş məşqçisi Hansi Flik İspaniya La Liqasının 9-cu turunda səfərdə “Betis” üzərində qazandıqları 5:2 hesablı qələbəni şərh edib.
Arena.az xəbər verir ki, almaniyalı mütəxəssis komandasının hücumdakı çıxışından razı qaldığını bildirib.
“İrəlidə əla oynadıq, yüksək intensivlik nümayiş etdirdik. Qarşılaşma çətin keçdi, amma öz səviyyəmizi tam şəkildə ortaya qoyduq. “Betis” də yaxşı oyun sərgilədi. Düşünürəm ki, qələbəmiz layiqli oldu”, – deyə Hansi Flik klubun mətbuat xidmətinə açıqlamasında bildirib.
“Barselona”nın yarımmüdafiəçisi Rodri də “Betis” üzərində qazanılan qələbəni şərh edib. O, bundan sonra komandanın diqqətini UEFA Çempionlar Liqasının növbəti matçına yönəltdiyini bildirib. İspaniyalı futbolçu qarşıdakı rəqibləri PSJ-ni dünyanın ən güclü komandalarından biri hesab etdiyini vurğulayıb:
“İndi bütün fikirlərimiz PSJ ilə oyundadır. Bəlkə də, onlar dünyanın ən yaxşı komandasıdır. Bu qarşılaşma bizim üçün yaxşı sınaq olacaq”, – deyə Rodri jurnalistlərə açıqlamasında bildirib.
Qeyd edək ki, PSJ ilə “Barselona” arasında UEFA Çempionlar Liqasının oyunu oktyabrın 20-də keçiriləcək.
