“Liverpul”un baş məşqçisi, alman mütəxəssis Yurgen Klopp İngiltərə Premyer Liqasında bu mövsüm çempionluq uğrunda mübarizədən danışıb.
Arena.az “Liverpul”un rəsmi saytına istinadən, Klopun bu barədə fikirlərini təqdim edir:
“Hazırda kimsə “Mançester Siti”ni yazırsa, yəqin ki, zarafat edir. Bunu etməyin mənası yoxdur. Üstəlik, “Arsenal” da mübarizə aparır, onların da oxşar təcrübəsi var. “Aston Villa” inanılmazdır, “Yunayted” yaxınlıqdadır. Ola bilər ki, bəzilərinin onlardan gözlədiyi futbolu oynamırlar, amma yenə də xal qazanırlar. Nə qədər ki, biz buradayıq, bu mübarizədə hər şey məni qane edir. Ancaq hər şey çox çətin və əsəbidir və qarşıda hələ çox oyun var, gəlin bunun öhdəsindən gələk, sonra apreldə danışaq”, deyə Klopp bildirib.
Bu mövsüm Premyer Liqanın 15 turundan sonra “Liverpul”un 34 xalı var. “Arsenal” 36 xalla turnir cədvəlinin lideridir.
