Məlum olduğu kimi, 33 yaşlı belçikalı hücumameyilli yarımmüdafiəçi Kevin De Bröyne cari mövsümün sonunda “Mançester Siti”dən ayrılacaq.
Arena.az məlumat verir ki, İngiltərə klubunun idarə heyətinin sədri Xaldun Əl-Mübarək “şəhərlilər”in kapitanına həsr edilmiş mozaikanı açıb.
Həmçinin Mançester təmsilçisinin akademiyasına aparan yol Kevin De Bröyenin şərəfinə adlandırılıb.
Kevin De Bröyne “Mançester Siti”yə 2015-ci ilin avqust ayında 76 milyon avro məbləğ müqabilində “Volfsburq”dan keçib. Belçikalı hücumameyilli yarımmüdafiəçinin İngiltərə klubu ilə müqaviləsinin müddəti 2025-ci ilin iyun ayının sonuna qədər qüvvədədir.
Cari mövsümdə De Bröyne Mançester klubu üçün bütün yarışlarda 39 oyun keçirib, 6 qol və 8 məhsuldar ötürmə ilə fərqlənib.
De Bröynenin “şəhərlilər”in heyətində çıxışının ümimi mənzərəsi 421 oyun, 108 qol və 177 məhsuldar ötürmədən ibarətdir.
Kevin De Bröyne 2010-cu ilin avqustunda debüt etdiyi və hazırda kapitanı olduğu Belçika yığmasının heyətində 109 oyun keçirib. Yarımmüdafiəçi bu oyunlarda 30 qol vurub, 52 məhsuldar ötürmə verib.
“Transfermarkt” internet-portalı 33 yaşlı belçikalı hücumameylli yarımmüdafiəçinin transfer dəyərini 27 milyon avro məbləğində qiymətləndirir.
