“Sabah” milli komandaların oyunları ilə əlaqədar Premyer Liqada yaranmış fasilədən istifadə edərək bu gün yoxlama matçına çıxıb.
Arena.az xəbər verir ki, paytaxt klubu Premyer Liqanın digər təmsilçisi “Turan Tovuz”la üz-üzə gəlib.
“Masazır Arena”da keçirilən oyun kifayət qədər məhsuldar keçib. Belə ki, matçın ilk hissəsini meydan sahibləri 2:1 hesabıyla öndə bitiriblər. Lakin fasilədən sonra daha iki qol vuran Tovuz təmsilçisi meydanı əzmkar qələbə ilə tərk edib – 3:2. Qonaqların heyətində Belaydi Pusi dubla imza atıbsa, digər qolu Otto Con vurub. Masazır klubunun heyətində isə Davit Volkov və Kahim Parris fərqləniblər.
Xatırladaq ki, “Sabah” Premyer Liqada fasiləyə 7 xalla 6-cı pillədə yollanıb. “Turan Tovuz” isə bu mövsüm 5 oyuna 9 xalla 2-ci pillədə qərarlaşıb. Tovuz təmsilçisi bu mövsüm Premyer Liqanın 5-ci turunda səfərdə məhz “Sabah”la qarşılaşmış və 3:0 hesabıyla qalib gəlmişdi.
Ayxan Abbasovun komandası Premyer Liqanın 6-cı turu çərçivəsində sentyabrın 17-də “Qəbələ”ni qəbul edəcək. Murad Musayevin çalışdırdığı Masazır təmsilçisini isə həmin gün son çempion “Qarabağ”la səfər oyunu gözləyir. Bu görüş Tofiq Bəhramov adına Respublika stadionunda keçiriləcək.
