Bu gün futbol üzrə Türkiyə çempionatında (Super Liqa) 2025/2026-cı illər mövsümünün 33-cü turunun oyunları keçirilib.
Arena.az xəbər verir ki, matçların hamısı eyni vaxtda oynanılıb.
“Antalyaspor” üzərində əzmkar qələbə qazanmış “Qalatasaray” sona bir tur qalmış çempionluğunu rəsmiləşdirib. Okan Burukun komandası ardıcıl dördüncü dəfə qızıl medallara sahib çıxıb. Ümumilikdə isə bu, İstanbul klubunun tarixində 26-cı çempionluqdur.
Səfərdə “Konyaspor”un qonağı olmuş “Fənərbağça” 3 xalı 3 qolla qazanıb. Bununla da, İstanbul klubu ikinci yeri təmin edib.
Bürünc medallar isə səfərdə “Beşiktaş”a qalib gəlmiş “Trabzonspor”a qismət olub.
“Kayserispor” və “Karagümrük” isə son turun nəticələrindən asılı olmayaraq, Super Liqa ilə vidalaşıblar.
Türkiyə, Super Liqa
33-cü tur
9 may
Alanyaspor – Kayserispor 3:1
Qollar: Ella, 7. Haderqyonay, 40-pen – Benes, 13.
Başakşəhər – Samsunspor 3:0
Qollar: Şomurodov, 6-pem. Y.Sarı, 43. Fayzullayev, 78.
Beşiktaş – Trabzonspor 1:2
Qollar: O.Kökçü, 14-pen – Zubkov, 15. Muçi, 62.
Eyüpspor – Rizəspor 4:0
Qollar: U.Bozok, 18-pen. M.Altunbaş, 29. Kaleqari, 45+1. E.Akbaba, 88.
Qalatasaray – Antalyaspor 4:2
Qollar: Lemina, 56. Osimhen, 66-pen; 88. K.Ayhan, 90+5 – S.Dikmen, 45+3; 62.
Gənclərbirliyi – Kasımpaşa 3:2
Qollar: A.Traore, 52. Qoutas, 45+4. Tonqya, 70-pen – Benediçak, 1; 12-pen.
Göztəpə – Qaziantep 2:1
Qollar: Abena, 4-öz qapısına. Jeh, 80 – Bayo, 56.
Kocaelispor – Karagümrük 0:1
Qol: A.Çinar, 70.
Konyaspor – Fənərbağça 0:3
Qollar: Fred, 13; 72. Braun, 57.
