Futbol üzrə İtaliya A Seriyasında 9-cu tura yekun vurulub. Arena.az xəbər verir ki, sonuncu oyun günündə beş qarşılaşma baş tutub.
“Atalanta” “Udineze” ilə ev oyunundan xal itkisi ilə ayrılıb. “Fiorentina” isə “Kalyari”ni darmadağınla yola salıb. “Latsio” bu turda “Verona”nın qonağı olub. Paytaxt təmsilçisi bu görüşdə darmadağına üzülüb.
Lider “Napoli” bu dəfə çətin “Roma” səfərinə yollanıb. Əvvəlki 8 matçının hamısından qalib ayrılmış Neapol təmsilçisi bu oyunda cari mövsümdə ilk xal itkisi ilə üzləşib.
Turun mərkəzi görüşü Milanda keçirilib. Son çempion “İnter” doğma meydanda “Yuventus”un müqavimətini qırmağa çalışıb. Lakin bu oyunda da qalib müəyyənləşməyib.
İtaliya A Seriyası
9-cu tur
22 oktyabr
Torino – Cenoa 3:2
Qol: Sanabriya, 14. Pobeqa, 31. Brekalo, 77 – Destro, 70. Kaysedo, 81.
Sampdoriya – Spetsiya 2:0
Qol: Qyasi, 15-öz qapısına. Kandreva, 36.
23 oktyabr
Salernitana – Empoli 2:4
Qol: Ranyeri, 48. İsmayli, 55-öz qapısına – Pinamonti, 2; 45-pen. Kutrone, 11. Stranberq, 13-öz qapısına.
Sassuolo – Venetsiya 3:1
Qol: Berardi, 3. Henri, 50-öz qapısına. Frattesi, 67 – Okereke, 32.
Bolonya – Milan 2:4
Qol: İbrahimoviç, 49-öz qapısına. Berrou, 52 – Leao, 16. Kalabriya, 35. Bennaser, 84. İbrahimoviç, 90.
24 oktyabr
Atalanta – Udineze 1:1
Qol: Malinovski, 56 – Beto, 90+3.
Fiorentina – Kalyari 3:0
Qol: Biraqi, 21. N.Qonsales, 42. Vlahoviç, 49.
Verona – Latsio 4:1
Qol: Simeone, 30; 36; 62; 90+1 – İmmobile, 46.
Roma – Napoli 0:0
İnter – Yuventus 1:1
Qol: Dzeko, 17 – Dibala, 89.
