Soboslai “Liverpul”un ən bahalı transferləri arasında

22 yaşlı macar yarımmüdafiəçi Dominik Soboslai İngiltərənin “Liverpul” klubunun tarixində ən bahalı 3 transferdən biridir.

Arena.az bu barədə “Transfermarkt” internet-portalının məlumatı əsasında xəbər verir.

“Liverpul” Soboslainin transferi üçün “Leypsiq”ə 70 milyon avro ödəyib ki, bu da İngiltərə klubunun tarixində ən bahalı transferlər siyahısında üçüncü olub.

“Liverpul”un ən bahalı 10 transferini diqqətinizə çatdırırıq:

1. Vircil van Deyk – 84,6 milyon avro;
2. Darvin Nunyes – 80 milyon avro;
3. Dominik Soboslai – 70 milyon avro;
4. Alison Beker – 62,5 milyon avro;
5. Nabi Keyta – 60 milyon avro;
6. Luis Dias – 47 milyon avro;
7. Kristian Benteke – 46,5 milyon avro;
8. Fabinyo – 45 milyon avro;
9. Dioqo Jota – 44,7 milyon avro;
10. Aleksis Mak Allister – 42 milyon avro.