“Tottenhem”in yunanəsilli avstraliyalı baş məşqçisi Angelos Postekoqlu əvvəllər “Real”ın əfsanəsi Ferents Puşkaşın sürücüsü olubmuş.
Arena.az “FourFourTwo” dərgisinə istinadən Postekoqlunun bu barədə söhəbət açdığı xatirələrini təqdim edir:
“Bu, sadəcə olaraq futbol dünyasının qəribəliyidir – oyunun arxa planında biz bütün zamanların ən böyük futbolçularından biri ilə qarşılaşdıq.
O, ingiliscə danışmaqda çətinlik çəkirdi, mən isə Yunanıstanda işləyirdim. Mən kapitan idim və yunanəsilli olduğum üçün onun tərcüməçisi və sürücüsü oldum. Onunla mümkün qədər çox vaxt keçirməyə çalışırdım.
Onun həyata sadəcə parlaq baxışı vardı. O, çox təvazökar insan idi və buna görə də ümumbəşəri hörməti vardı. Bu, mənim üçün və hamımız üçün yaxşı bir dərs oldu: əgər siz böyük nailiyyətlər əldə edirsinizsə, amma təvazökarsınızsa, nəinki şəxsi nailiyyətləriniz haqqında danışmağa başlamağınızdan fərqli, insanlar sizə yaxşı münasibət bəsləyirlər.
O, heç vaxt bunu etməyib və bir məşqçi kimi komandalarının qol vurmasını istəyirdi – onu maraqlandıran yeganə şey bu idi. 5:4 hesabı ilə qalib gələndə, o, 1:0 hesabı ilə qalib gəldiyimizdən daha çox sevinirdi. Onunla keçirdiyim vaxtdan həzz alırdım.
Ferents komandadan ayrıldıqdan sonra əlaqə saxlamağa çalışdıq, amma mən özüm məşqçi olanda onun səhhəti ciddi surətdə pisləşdi və bu, çox üzücü idi. Düşünürəm ki, o, bizimlə çox fəxr edirdi”, deyə Postekoqlu xatırlayır.
Xatırladaq ki, Frents Puşkaş 1989-cu ildə gözlənilmədən “Saut Melburn” komandasının yeni baş məşqçisi təyin ediləndə, Angelos Postekoqlu komandanın futbolçusu idi. Bu, “Real”ın və Macarıstan yığmasının əfsanəsinin əvvəllər Yunanıstan təmsilçisi “Panatinaikos”u avrokubokların finalına çıxardıqdan sonra, baş məşqçisi kimi son iş idi.
Puşkas 1992-ci ildə “Saut Melburn”a ölkə çempionluğunu qazandırdıqdan sonra komandadan ayrıldı.
Angelos Postekoqlu bu gün “Tottenhem”i uğurla çalışdırır. Mütəxəssisin çalışdırdığı “mahmızlar” hazırda İngiltərə Premyer Liqasının lideridirlər.
