“Liverpul”un sabiq mərkəz müdafiəçisi Ceymi Karrager “Mançester Yunayted”in baş məşqçisi Erik ten Haqın işini tənqid edib.
Arena.az bu barədə “The Telegraph” nəşrinə istinadən məlumat verir.
Ceymi Karrager “The Telegraph” qəzetindəki köşəsində yazıb:
“Mançester Yunayted”, yeni çalışdırıcısı tərəfindən təhvil alındıqdan sonra yenidən qurulan komandadan çox, dövrünün sonunda olan bir komandaya oxşayır. Ardıcıl üç qələbəyə rəğmən, Ten Haqın başçılığı ilə “ Yunayted” tənəzzül əlamətləri ilə köhnəlmiş futbol sərgiləyir. Komandada üslub və miqyas çatışmır.
Ten Haq tərəfindən kluba gətirilmiş çox az sayda oyunçu özünü sabit surətdə göstərir. Amma eyni zamanda, məsələn, məşqçinin keçən yay sərfəli qiymətə qurtulmaq istədiyi Maquayr və Maktominey yenə əla formadadırlar.
“Mançester Yunayted” azarkeşlərini narahat etməlidir ki, klub hələ də belə aşağı ölçülərə haqq qazandırmağa çox vaxt sərf edir. Direktorlar şurasının tərkibində aydınlığın olmaması şəklində yumşaldıcı amillər kluba uzunmüddətli təsir göstərə bilər.
2022-ci ilin iyul ayından etibarən Ten Haq 400 milyon funt-sterlinqə 16 oyunçu alıb. Necə baxırsınızsa, klub sahibləri nə qədər dəbdə deyillərsə də, bu, çalışdırıcının komandanı kökündən yenidən qurması üçün kifayətdir”, – Karrager fikrini tamamlayıb.
Xatırladaq ki, gözlənilənlərin əksinə olaraq Erik ten Haqın rəhbərliyi altında “Mançester Yunayted” cari mövsümə uğursuz başlayıb. “Qırmızı şeytanlar” Premyer Liqada keçirdiyi 9 oyundan 5 qələbə qazansalar da, 4 oyunda da məğlub olublar və hazırda 15 xalla turnir cədvəlinin 8-ci pilləsində qərarlaşıblar. Həmçinin MY Çempionlar Liqasında “Bayern”ə (3:4) və “Qalatasaray”a (2:3) məğlub olub, yalnız “Kopenhagen” üzərində minimal hesablı çətin qələbə qazanıb – 1:0.
Erik Ten Haq “Mançester Yunnayted”i 2022-ci ilin iyulundan çalışdırır. Holland mütəxəssisin “qırmızı şeytanlar”la müqaviləsi 2025-ci ilin iyun ayının sonuna qədər qüvvədədir.
Ten Haqın rəhbərliyi altında “Mançester Yunayted” 2022/2023 mövsümü İngiltərə Liqa Kubokunun qalibi olub.
