“Tottenhem”in baş məşqçisi Angelos Postekoqlu Premyer Liqanın 19-cu turunda “Brayton” səfər məğlubiyyətini (2:4) şərh edib.
Arena.az BBC-yə istinadən, yunanəsilli avstraliyalı mütəxəssisin bu barədə fikirlərini diqqətinizə çatdırır:
“Bu gün yorğun bir komanda kimi göründük və bunu başa düşmək olar. Bu futbolçulardan çoxdan istifadə edirdik və bir az enerjimiz çatışmırdı. Rəqiblərin yaxşı komandası var və biz onların öhdəsindən gəlmək üçün əlimizdən gələni etdik. Duruş gətirməyə çalışdıq və istəyə biləcəyimiz tək şey budur. Futbolçular hər şeyi meydanda qoyub getdilər.
Mən penaltidən şikayət etmirəm. Onlar dəqiq və aydın idi. Təəccüblüdür ki, VAR başqa bir oyunçumuzu sıradan çıxara biləcək badalaqdan başqa hər şeyi tutdu.
Sonda müsbət cəhətlər oldu. Bu oyunçular dəstəsi hazırda hər şeyi verir. Onlardan tələb etdiyimiz futbolu oynamaq çətindir, amma onlar bunu həftədən həftəyə edirlər. Deməli, bu, zəhmətsizlik məsələsi deyil.
Biz oyunçulara heç vaxt fasilə verə bilməmişik və istədiyimiz şey çox yorucudur”, deyə Angelos Postekoqlu təqvim sıxlığı ilə bağlı artan yorğunluğu “mahmızlar”ın məğlubiyyətinə əsas gətirib.
Premyer Liqanın birinci dövrəsindən, 19 turdan sonra “Tottenhem” turnir cədvəlində 36 xalla 5-ci, “Brayton” isə 30 xalla 8-ci pillədə qərarlaşıb. Premyer Liqanın birinci dövrəsinin lideri “Liverpul”dur, “qırmızlar”ın 42 xalı var.
