İtaliya Futbol Federasiyasının (FIGC) prokurorluğu irqi ayrı-seçkiliklə mübarizə tədbirlərini gücləndirmək niyyətindədir.
Arena.az bu barədə ANSA agentliyinə istinadən məlumat verir.
Qurumun əlaqədar orqanı İtaliya çempionatının 31-ci turu öncəsi irqi ayrı-seçkiliklə mübarizə üçün gücləndirilmiş tədbirlər tətbiq etmək fikrindədir.
Mənbənin məlumatına görə, İtaliya Futbol Federasiyası stadionlarda və kənarda sayıqlığı artırmaq istəyir və həmçinin hər hansı irqçi şüar və ya mahnıların sıxışdırılmasına nəzarət edəcək. İrqi dözümsüzlük nümayiş etdirən şəxslərə qarşı ciddi cəzaların tətbiq ediləcəyi də vurğulanır.
İrqçilik əleyhinə tədbirlərin bu surətdə gücləndirilməsi İtaliyada son oyunlarda baş vermiş bir neçə dözümsüzlük hadisəsindən sonra meydana gəlib. Məsələn, İtaliya Kubokunun yarımfinal mərhələsinin “Yuventus” – “Latsio” oyununda (2:0) “qartallar”ın azarkeşləri “byankoneri”nin amerikan müdafiəçisi Ueston Makkenniyə qarşı irqçi davranışlar nümayiş etdiriblər.
