Azərbaycan millisi 1/4 finala vəsiqə qazandı

Çimərlik futbolu üzrə Azərbaycan millisi Portuqaliyanın Nazare şəhərində təşkil olunan dünya çempionatının seçmə mərhələsində növbəti oyununu keçirib.

Arena.az xəbər verir ki, qrupun son oyununda Estoniya yığması ilə qarşılaşan millimiz 4:3 hesablı qələbə qazanıb.

Avtoqolun qeydə alındığı oyunda Azərbaycan yığmasının digər qollarını Elçin Qasımov, Orxan Məmmədov və Sabir Allahquliyev vurub. Növbəti mərhələyə vəsiqə qazanan millimiz, seçmə mərhələnin 1/4 finalında, iyunun 25-də A qrupunun qalibi ilə üz-üzə gələcək.

A qrupunun qalibi bu axşam keçiriləcək Ukrayna – Portuqaliya oyunundan sonra məlum olacaq.

Azərbaycan millisi əvvəlki oyunlarında Fransaya 2:0 hesabıyla qalib gəlib, İsveçrəyə 5:8 hesabıyla məğlub olub.