AFFA 15 yaşadək qızlardan ibarət Azərbaycan millisinin (U-15) baş məşqçisi Gülənbər Qasımova ilə müqaviləyə xitam verib.
Arena.az xəbər verir ki, bu barədə AFFA rəsmi saytı vasitəsilə məlumat yayıb.
Xəbərdə bildirilir ki, tərəflər qarşılıqlı razılıq əsasında yolları ayırıblar. O da qeyd edilir ki, Gülənbər Qasımova Azərbaycanın U-19 millisində köməkçi məşqçi kimi fəaliyyətini davam etdirəcək.
Qeyd edək ki, U-15 millimizə bundan sonra kimin rəhbərlik edəcəyi hələ məlum deyil. Böyük ehtimalla bu posta təyinatla bağlı daha sonra qərar veriləcək.
