Qadın futbolçulardan ibarət Azərbaycan millisi bu gün dünya çempionatının (DÇ-2027) seçmə mərhələsində növbəti oyununa çıxacaq.
Arena.az xəbər verir ki, C Liqasının 3-cü qrupunda yer almış millimiz dördüncü sınağında Andorra yığması ilə qarşılaşacaq.
Siyasət Əsgərovun rəhbərlik etdiyi komandamız bu rəqibi ilə “Masazır Arena”da üz-üzə gələcək. Oyuna saat 17:00-da start veriləcək.
Yığmamız Andorraya qarşı bir neçə gün öncə səfərdə keçirdiyi oyundan 3:1 hesablı qələbə ilə ayrılmışdı. Millimiz bu uğurun davamını ev oyununda da gətirməyə çalışacaq.
Xatırladaq ki, Azərbaycan millisi hazırda 6 xalla qrupda ikinci pillədə qərarlaşıb. Lider Macarıstanın 7, üçüncü sıradakı Şimali Makedoniyanın 3, dördüncü yerdəki Andorranın 1 xalı var.
DÇ-2027-nin seçmə mərhələsi
C Liqası, 3-cü qrup
18 aprel
Azərbaycan – Andorra
Hakimlər: Vesna Miletiç, Merima Homaraç, Nevena Markoviç, Senida Petak (hamısı Bosniya və Herseqovina).
“Masazır Arena”. Saat 17:00.
