Futbol üzrə Azərbaycan millisinin yarımmüdafiəçisi Emin Mahmudov DÇ-2022-nin seçmə mərhələsi çərçivəsində Portuqaliyaya qarşı keçirdikləri oyunu şərh edib.
Arena.az xəbər verir ki, “Neftçi”nin formasını geyinən futbolçu İtaliyanın Turin şəhərində baş tutan matçdan sonra sosial şəbəkə hesabında bunları qeyd edib:
“Çox ağır oyun oldu. Amma inanıram ki, daha yaxşı oynayacağıq”.
Qeyd edək ki, millimiz Portuqaliyaya 0:1 hesabıyla məğlub olub. Start heyətdə meydana çıxan Emin Mahmudov bu görüşün 85-ci dəqiqəsində əvəzlənib.
Azərbaycan milli komandası növbəti matçını martın 27-də Qətər yığmasına qarşı keçirəcək. Ayın 30-da isə millimizi Bakıda Serbiya ilə qarşılaşma gözləyir.
