İngiltərə millisinin və “Liverpul”un sabiq müdafiəçisi, hazırda futbol təhlilçisi olaraq çalışan Ceymi Karrager “Mançester Siti”yə “ilişib”.
Arena.az xəbər verir ki, o, “şəhərlilər”in İngiltərə futbolundakı rolundan danışarkən bunları qeyd edib:
“Mançester Siti” heç vaxt “Mançester Yunayted”dən vacib olmayacaq. “Liverpul” – “Mançester Siti” oyunu isə heç vaxt “Liverpul” – “Mançester Yunayted” oyunundan daha əhəmiyyətli olmayacaq. Tarixən elə gətirib ki, “Liverpul” və “Mançester Yunayted” – İngiltərənin iki nəhəng klubudur. Düşünmürəm ki, bu, nə vaxtsa dəyişə…”, deyə Karrager vurğulayıb.
Xatırladaq ki, “Liverpul” son İngiltərə çempionudur. Sözügedən komanda hazırda Premyer Liqanın yarış cədvəlində 18 xalla 8-cidir. Əvvəlki illərdə ardıcıl bir neçə çempionluq yaşamış “Mançester Siti” isə cari mövsümdə 22 xalla 2-ci sırada qərarlaşıb. “Mançester Yunayted” də 18 xalla 7-cidir. Premyer Liqanın yarış cədvəlinə 26 xalı olan “Arsenal” liderlik edir.
