“Liverpul” futbol üzrə İngiltərə Liqa kubokunda 2023/2024 mövsümünün yarımfinal mərhələsinin ilk oyununa çıxıb.
Arena.az xəbər verir ki, Mersisayd komandası Premyer Liqanın digər təmsilçisi “Fulhem”i qəbul edib.
Üç qolun qeydə alındığı matç meydan sahiblərinin 2:1 hesablı qələbəsi ilə başa çatıb. Qarşılaşmada hesabı ilk hissədə qonaqlar açsa da, yekunda “qırmızılar” əzmkar qələbəyə imza atmağı bacarıblar. Bu komandalar arasında cavab oyunu yanvarın 24-də keçiriləcək.
Xatırladaq ki, İngiltərə Liqa Kubokunda digər finalçının “Çelsi” ilə “Midlsbro” arasındakı cavab oyununda aydınlıq gələcək.
İngiltərə, Liqa Kuboku
Yarımfinalın ilk oyunları
9 yanvar
Midlsbro – Çelsi 1:0
Qol: Hakni, 37.
10 yanvar
Liverpul – Fulhem 2:1
Qollar: Cons, 68. Qakpo, 71 – Villian, 19.
