“Tottenhem”in baş məşqçisi Angelos Postekoqlu yenidən avrokuboklarda iştiraka qayıdışı haqda duyğularını paylaşıb.
Arena.az “Tottenhem”in rəsmi saytına istinadən, yunanəsilli avstraliyalı mütəxəssisin bu barədə fikrini təqdim edir:
“Mən avrokubklara qayıtdığım üçün çox şadam və yenidən orada iştirak edəcəyimdən həyəcanlıyam. Keçən il demişdim ki, bu, bizim təqvimimizdə ilin müəyyən vaxtlarında müntəzəm futbol oynamağımıza kömək etməyən əsl boşluq idi. Fərqli rəqiblərlə oynayanda və bütün komandamıza mənalı oyun vaxtı verəndə, bu, asan deyildi. Ən pisi isə oturub orada başqa komandaların oyununu izləmək idi. Bunu bəyənmədim, ona görə də avrokuboklara qayıtmaq vacibdir”, deyə Postekoqlu vurğulayıb.
Angelos Postekoqlu Avropa Liqasının yeni tərtibatı haqqında da öz fikrini bildirib.
“Fikrimcə, bu, maraqlıdır. Aydındır ki, bu, ilkin mərhələdir və onun necə inkişaf edəcəyini görmək maraqlı olacaq. Mən bu barədə əvvəllər də danışmışam, hiss edirdim ki, daha nələrsə olacaq. Bilirsiniz, qrup mərhələsində, təxminən ikinci və ya üçüncü oyundan sonra, bir növ, növbəti olaraq kimin oynayacağını bilirdiniz, ona görə də bəlkə də bəzi haqq-hesab vardı, amma indi bütün oyunlar məna kəsb edəcək, çünki bütün komandaların oynamağa əlində əsası olacaq. Bu, kifayət qədər ölçü-biçimli ev və səfər oyunları deyil, səkkiz fərqli komanda ilə, səkkiz fərqli futbol üslubuna qarşı oynamalı olacaqsınız, odur ki, bu, maraqlı bir sınaqdır.
Düşünürəm ki, hər kəsin istədiyi kimi, bunun səmərə verib-vermədiyini, yalnız ələmə mərhələsində deyil, bütün çıxış boyu daha maraqlı olub-olmadığını sonda görəcəyik. Amma ən əsası – biz bunda iştirak edirik və biz bunda iştirak ediriksə – bizim fürsətimiz var”.
Qeyd edək ki, Angelos Postekoqlunun “Tottenhem”i avrokubok mövsümünü Avropa Liqasının əsas mərhələsinin 1-ci turunun ev oyunu çərçivəsində “Qarabağ”ı qəbul etməklə açacaq. Bu oyuna Bakı vaxtı ilə saat 23:00-da start veriləcək.
