“Tottenhem”in baş məşqçisi Angelos Postekoqlu İngiltərə Premyer Liqasının 30-cu turunun “Çelsi” ilə səfər oyununu (0:1) şərh edib.
Arena.az “Tottenhem”in rəsmi saytına istinadən, yunanəsilli avstraliyalı mütəxəssisin müvafiq açıqlamasını təqdim edir:
“Çətin oyun idi. Fərqli olacağını gözləmək də gərək deyildi, amma mən həmçinin təxmin edirəm ki, oyun gərgin alındı. Bizə, israrla mübarizə aparmaq gərək oldu ki, oyunda qala bilək, mən isə düşünürəm ki, biz bunun öhdəsindən yaxşı gəldik. Biz, bizi çox qüvvətlə pərişan etmiş çox uğursuz bir qol buraxdıq. O qol bizə çox baha başa gəldi. Hesab edirəm ki, biz buraxılmış qola parlaq qarşılıq verdik, özümüz də qol vurduq, bundan sonra nəyisə dəyişmək üçün bir neçə fürsətimiz də oldu, amma yekunda biz uğursuzluğa uğradıq.
Bu, oyunu öldürür, ay yoldaş. Bu, artıq əvvəllər olduğu oyun deyil. Hakim qolu hesaba aldı, sonra isə onu ləğv etmək üçün altı dəqiqə əlləşdi. Bu, sərsəmlikdir, yoldaşlar. Bu, sərsəmlikdir”, deyə Angelos Postekoqlu narazılığını ifadə edib.
Xatırladaq ki, oyunun 69-cu dəqiqəsində “mahmızlar”ın 22 yaşlı seneqallı mərkəz yarımmüdafiəçisi Pap Matar Sarr bərabərlik qolunu vursa da, ingilis baş hakim Kreyq Pouson əvvəlcə qolu hesaba alıb, sonra isə VAR-ın köməyi ilə vəziyyəti üç dəqiqə ərzində qiymətləndirərək, qolu ləğv edib.
30 turdan sonra 34 xal toplamış “Tottenhem” İngiltərə Premyer Liqasının yarış cədvəlinin 14-cü pilləsində qərarlaşıb. “Çelsi” isə 52 xalla 4-cü pillədədir.
Premyer Liqaya 73 xalla “Liverpul” başçılıq edir.
